Chanmari FC-in MLS FC an sawp

Star Cement MPL13-ah Chanmari FC-in champion zia lantirin nimin khan MLS FC 4-0 in an sawp. Durtlang Football Stadium-a inkhelah Chanmari tan Lalruatsanga'n goal hnih a khung bakah FC Lalhmunmawia leh Malsawmtluanga Pautu ten goal khat ve ve an khung.

Rochhingpuia kaihhruai Chanmariin inkhel thunun mah se goal an khung lawk lo. Minute 40-naah corner kick hmang ṭangkaiin defender FC-a'n tauh lut. Second half-ah Serchhip tlangval Lalruatsanga'n minute hnih chhung lekin goal hnih a khung.

SYS FC aṭanga inzir chhuak Ruatsanga hian minute hnih chhungin goal hnih a khung. Ruatsanga hian offside trap bumin minute 55-naah a khung a, minute khat hnuah Suanngaihmuana pressure pek ṭhat zarah Ruatsanga hian a khung leh bawk.

Chanmariin attacking football an khel chhunzawm a, minute 79-naah C. Lalmuanpuia cross ṭha chu Sihphir Venghlun tlangval Sawma'n ṭha zetin a tauh lut. Coach Chhinga hote 4-0 in an chak a, point sarih an hmu a, table-ah pakhatnaah an awm.