Mizoramin chakin bul an ṭan

National Football Championship for Dr BC Roy Trophy 2026-27-ah Mizoram chuan nimin khan an match hmasa berah Maharashtra chu 2-0 in an hneh. Coach Lalrindika Khiangte hote tan hian Victor Lalawmpuia leh C Lalhmingropuia ten goal an khung.

Bengaluru Football Stadium-a inkhelah Mizoram leh Maharashtra te an inkhel tawk viau a, chutihrualin Mizoram khel a nghet ṭha zawk. MFA-in kum dik thei ang berin kum bithliah inelna an kalpui a, Reliance Naupang League leh MPL Under 17 hmangin player an chher hriam bawk.

Nimin zing inkhelah pawh Mizo naupangte theihna sang tak a lang a, minute 38-naah Victor-a'n freekick aṭangin kawh zetin hla tak aṭangin a khung. Mizoram hian second half-ah goal hnihna hi an khung leh chauh a, minute 77-naah mawi zeta Maharashtra tlarhnung an ṭhiah hnuah Ropuia'n chak nemnghehna goal a tauh lut.

Mizoram hi Maharashtra, Tamil Nadu leh Meghalaya te nen group khatah an awm a; September 3, Ningani zing dar 8:15 hian Tamil Nadu nen an inkhel elh ang.