Durtlang Football Stadium-ah MPL khelh a ni dawn

Star Cement Mizoram Premier League Season 13-ah round hmasa pahnih khelh zawh a ni tawh a, Durtlang Football Stadium-ah round 3 leh 4 khelh a ni dawn. Kumin March 17 khan Urban Development & Poverty Alleviation minister K. Sapdanga’n a hawng a, sports minister Lalnghinglova Hmar chuan Durtlang Football Stadium hawn thar chu Mizorama Football Stadium ṭha ber a nih thu a sawi bawk.