Aturto MMA Event: Ngaihawma inlan zan

India rama MMA promotions lian ber zinga mi Aturto chuan Itanagar, Arunachal Pradesh-ah zanin hian Arturo 4.2 Flyweight Grand Prix an buatsaih dawn. Main event-ah Hunthar tlangval Lalngaihawma leh Diyo Rimo te an inhmachhawn ang.

Ngaihawma hian World Muaythai Championship-ah bronze medal a la tawh a, National Muaythai Championship-ah vawi nga a champion tawh. A hmachhawn tur Diyo Rimo hi Arunchali a ni a, khawtual tlangval a hmachhawn dawn avangin Ngaihawma tan pawh a harsa dawn.

Hunthar tlangval Ngaihawma hi Team Joseph hnuaiah awm a, tunah hian TMX Kerala-ah training a nei mek. Team Joseph hi Mizo combat-sports team an ni a, Mizo fighter ṭhahnem tak national leh international level-ah an pho chhuak tawh a ni.

Ngaihawma chuan, "Arunachal tlangval Diyo Rimo nen kan inhmachhawn dawn a, Itanagar-a Mizo awm zawng zawngte kan inhneknaa min ṭawiawm vek turin ka sawm a che u," tiin a sawi. Aturto MMA Event hi Aturto YouTube channel leh SportVot-ah te a en theih ang.