Bezos leh a ṭhianten Liverpool-ah 40% deuhthaw lei

Liverpool neitu thar zinga mi, Amazon founder Jeff Bezos leh a ṭhiante chuan Liverpool-ah 40% deuhthaw stake an lei niin khawthlang media-te chuan an tarlang a, Liverpool-a share ngah ber pawh an la ni mai thei!

Kar hmasa khan Premier League club lian neitu Fenway Sports Group (FSG) chuan Reds-ah minority stake an hralh thu an sawi a, hei hi a tirah chuan 30% bawr vel nia sawi a ni.

Mahse, thu thar berah chuan Bezos leh a thawhpuite hian 38% stake an lo lei reng a, thla 12 chhunga controlling stake lei theihna dan an ziak tel bawk - chumi awmzia chu, Bezos leh a ṭhiante hi Reds-a share ngah ber an la ni thei, tihna a ni.

Bezos thawhpuite hi British-Indian millionaire Amit Bhatia leh Facebook co-founder Eduardo Saverin te an ni a, an pawl hmingah hian 1892 Holdings an inti - 1892 hi Liverpool din kum a ni a, fan-te rilru an dek thiam riau!

1892 Holdings zinga hma latu ber Bhatia chu Liverpool-ah hian Vice Chairman a ni dawn a, Indian sumdawng hausa Lakshmi Mittal-a makpa hi Queens Park Rangers neitu zingah pawh a lo tel tawh a, football khawvelah a mikhual lo.