Aturto MMA Event Ngaihawma'n hmun pawimawh a chang

India rama MMA promotions lian ber zinga mi Aturto chuan Itanagar, Arunachal Pradesh-ah August 22, Inrinni hian Arturo 4.2 Flyweight Grand Prix an buatsaih dawn. Main event-ah Hunthar tlangval Lalngaihawma leh Diyo Rimo te an inhmachhawn ang .

Ngaihawma hian World Muaythai Championship-ah bronze medal a la tawh a, National Muaythai Championship-ah vawi nga a champion tawh. A hmachhawn tur Diyo Rimo hi Arunchali a ni a, khawtual tlangval a hmachhawn dawn avangin Ngaihawma tan pawh a harsa dawn.

Hunthar tlangval Ngaihawma hi Team Joseph hnuaiah awm a, tunah hian TMX Kerala-ah training a nei mek. Team Joseph hi Mizo combat-sports team an ni a, Mizo fighter ṭhahnem tak national leh international level-ah an pho chhuak tawh a ni.