Chelsea-in Mudryk intuaihriam tir an duh

Thla 20 chhung damdawi hman phal loh vanga inlan tawh lo Mykhailo Mudryk chu a club khelhna Chelsea-in loan hmanga a chhuah theihna tur club an zawng mek. Kum 25 mi Ukraine international hian November 2024 hnuah competitive match a khel tawh lo.

Xabi Alonso hnuaia Chelsea-in pre season tour an neihnaah Mudryk hi Juventus, AC Milan leh Johor Darul Ta'zim te an hmachhawn ṭumin bench aṭangin a lut. Tour zawh hian club hotute leh Mudryk hi an indawr a, nipui transfer zawh hmaa loan-a chhuak turin inremna a nei.

Chelsea hian an club nena inthlunzawm Strasbourg lamah loan hmanga kal turin thurawn an pe a, mah se Mudryk hian English football club-a kal a duhzawk. Mudryk la duhtu zingah English club bakah Italian club-te an awm a ni.