Zaninah East Bengal inkhel dawn

Indian Super League champion East Bengal chuan zanin dar 7:00 hian AFC Champions League Two preliminary round an khel dawn a, Kuwaiti league runners-up Al Arabi SC an mikhual dawn–single leg a nih avangin he inkhela chak zawk hian group stage an lut ang.

East Bengal hi ISL champion puitu coach Oscar Bruzon nen an inṭhen tawh a, Antonio Lopez Habas kaihhruaina hnuaiah an khel tawh–Lalchungnunga leh Edmund Lalrindika ten Kolkata club tan hmun pawimawh an chang ṭhin a, zaninah pawh an inlan a rinawm.

Al Arabi hi Croatia international hlui Goran Sablic enkawl niin, French midfielder Hassimi Fadiga, Nigeria international Anayo Iwuala leh Brazilian centre back Leonardo Sheldon te an nei–inkhel hi FanCode-ah a en theih ang.