Khawbelin champion lai an hneh

LBS Suzuki Avenis 24th Inter Branch YMA Volleyball Tournament 2026-ah Khawbelin mipa quarterfinal-ah champion lai Muanna Veng chu 25-21, 23-25, 25-23, 25-18 in an hneh.

R. Dengṭhuama Stadium, Mualpuia inkhelah Khawbelin bul an ṭan ṭha hret a, Johan Vanneihsanga sanna leh thiamna a pawimawh hle. Muanna Veng lamin Sadraka hoin tlawm tum lo a, set hmasa ber an hloh hnuah 25-23 in set hnihna an la let.

Set thumnaah pawh team pahnih an intluk tawk a, 24-23 te ni hman mah se Khawbel tan a hun takah Johan-a rawn inlar. Set linaah Muanna Veng an zuai ta deuh a, Khawbel lam a tawp thlenga ṭang tluanin Innocent Malsawmzuala'n chakna point rawn neiin 25-18 in set an la a, straight set-in an chak.

CYMA Volleyball-ah Aizawl khaw pawn champion hnuhnun ber chu kum 2004 daih tawh kha a ni a, Champhai Vengthlangin Hunthar hnehin an champion. Kuminah Khawbelin Aizawl pawnah nomawi hawn an tum dawn a, champion turin theihna sang tak an nei bawk.