Star Cement MPL13 a hmuhnawm dawn

Star Cement MPL13 khelh hun tihchian a la ni lo a, I Day Football 2026 khelh zawhah ṭan a ni ang. MPL13-ah hian club pariat Aizawl FC, Chanmari FC, MLS FC, Dinthar FC, Kanan FC, Mizoram Police FC, Saikhamakawn FC leh Ramthar Veng FC te

an awm.

Season liam ta khan Aizawl FC, Chanmari FC, MLS FC leh Dinthar FC ten semifinal an lut a, league round-ah Aizawl FC-in hneh loh tawng lo mah se final-ah Chanmari FC lakah an chak lo. Rochhingpuia kaihhruai Chanmarians an champion.

MPL aṭangin SYS FC an relegate a, Kanan FC-in relegation playoff khelin Ramhlun North hnehin MPL khel turin an inpettling leh ta tho. MPL Qualifier aṭangin Ramthar Veng FC an inpettling a, anni hi MPL club 25-na an ni.

I Day Football-ah MPL club pariat bakah First Division club pahnih Lushai Corner leh Bawngkawn FC bakah state pawh team pahnih Manipur club Ganggam SC leh RYFC te an tel. MPL club pariatin knockout stage an lut a, First Division club leh state pawn club laka point hloh pakhatmah an awm lo. Hei hi MPL13 leh I Day Football knockout stage en tichâkawmtu a ni thei ang. I Day Football quarterfinal hi August 10, Thawhṭanniah khelh leh a ni dawn.