Vawiin aṭangin I Day Veteran Football ṭan a ni dawn

MFA buatsaih I Day Veteran Football Fixtures chu vawiin aṭangin khelh ṭan a ni dawn. Team 23 telin group pariatah ṭhen darh an ni. Inelna hi kum 40 leh a chunglam tan a ni a, 1st Bn MAP Ground-ah khelh a ni ang.

Veteran Football-ah hian player pakua a inthlak theih a, starting XI-ah 40+ (40-44 inkar) 1986 leh a hmalama piang chin pali an awm thei a, 45+ (45-49 inkar) 1981 leh a hmalama piang chin panga an awm thei a, 50+ (50 chunglam) 1976 leh a hmalama piang chin pahnih an awm thei bawk.