Vozinha dinhmun a chiang leh lo

Kumin World Cup-a goalkeeper lar bera chhal ngam, Vozinha chu Chile club Colo Colo nen inhnaih hle tawh mah se, Morocco club RS Berkane an lo lan hnuah thil a danglam. Kum 40 mi keeper hian hian Chile lam pan a tum chhunzawm tawh lo, RS Berkane a pan zawk niin khawthlang chanchinbu te chuan an tarlang.

World Cup khelh zawh hnuah Vozinha-a'n duhtu a ngah a, a kum tam ve deuh tawh mah se iai lotu an awm nuk. Colo Colo hi langsar berin kum khat leh a chanve chhung atan Vozinha lak luh an tum a, thla tin $25,000 hlawh turin inremna an nei bawk.

Cape Verde goalkeeper an lak theih dawn avangin Colo Colo an phur a, document pawimawh tihfel a nih hmain instagram-ah a hming leh hmel tarlang lo mah se, Vozinha a ni tih hriat theih tak turin thlalak an phochhuak.

Mahse kar khat hnu lawkah thil a danglam leh nghal a, Vozinha chu Colo Colo a kal a tum leh lo nia sawi a tam hle. Moroccan club RS Berkane coach Bubista hi Cape Verde lo enkawl tawhtu a ni a, a pu hlui aṭanga sawmna a hmuh bakah Colo Colo aia sum a hmuh hnem dawn vang nia ngaih a ni.

Colo-Colo board chuan social media-a fans ṭhenkhat thinrim chu hriain, boruak sosang tur tihdaih nan Vozinha chu permit fel loh vang chauha la la lut thei lo an nih thu an sawi. Hetihlai hian Vozinha chuan engmah a la sawi lo a, free agent a nih avangin a club duhna tak pan turin zalenna a nei a, a kutah engkim a innghat.