Rashford hmun ruak a lian dawn - Flick

Barcelona chuan Inrinni khan Birmingham nen friendly match an khel a, 2-2 a an inhnehtawk hnuah penalty shootout-ah English club 3-2 in an vannei ta zawk.

Inkhelh banah Barcelona coach Hansi Flick chuan, "Loan-a khel player chungchang hi chu kan kuta awm a ni lo. Rashford nena kan thawk ho kha ka lawm a, player ṭha tak a nih avangin team bakah keimah ngei tan pawh channa nasa tak a ni. Chutihrualin a thu a nia, kan pawm mai a ṭul," tiin a sawi.

Marcus Rashford hian Manchester United-ah kum 2028 thleng contract a nei a, kar liam ta khan instagram kaltlangin Barcelona a thlah. Manchester United hi Michael Carrick hnuaia an khelh tawh avangin Rashford pawh hi tun season hian Old Trafford-a cham tura ngaih a ni.