Mohun Bagan-in Lianzuala tlangzarh ta

Mizo tlangval Lallianzuala Chhangte chuan official takin Mohun Bagan a zawm ta a, Lunglei tlangval hian Kolkata club tana kum thum khel turin contract hi a ziak a ni.

Mumbai City captain Lianzuala hian Mumbai club tan inelna hrang hrangah match 123 khelin goal 42 a khungsak a, assist vawi 20 a nei bawk - ISL Shield leh ISL Cup a lakpui a, a hlawhtling hle.

Mahse, LZa hian chona thar hmachhawn a duh thu Vanglaini a lo hrilh tawh a, a duh ang ngeiin Kolkata khawpui panin a puanthuah a tel dawn ta.

LZa chuan, "Kolkata khawpui club tan la inkhel ngai lo mah ila, Kolkata derby khelh hi ka châk em em ṭhin," a ti a, a naupan laia a lo 'dream' ṭhin chu a tak ram a chan tak thu a sawi.