MLS tan Lalhruaitluanga

Lushai Corner Academy-in ISL leh IFL player thawhchhuah pui mah se team anga ṭha zawk MLS FC-in A. Lalhruaitluanga goal hnih hmangin hnehna an chang. Nimin I Day Football inkhelah MLS hi 2-0 in an chak a, Lawngtlai club hian quarterfinal an lut.

RG Stadium-ah MLS leh Lushai Corner-te an inhnehtawk viau a, second half-ah Lalmuanawma (Munez) pass sual aṭangin MLS ten an khung. Munez-a pass sual hi goal ngeina tur a la ni lo a, Felix Lalruatsanga'n fing taka khawih peng zeuhin Hruaitluanga'n ṭha takin minute 50-naah a khung.

Lushai Corner-in siphurh sut theihna hun ṭha an hlah a, MLS erawhin hun ṭha an bawhpelh lo. Minute 88-naah Hruaitluanga'n a chance ṭha neih chu cool takin a khung a, MLS 2-1 in a chakpui.