Referee intuaitharna hun hmang

Mizoram Football Association Referee Committee buatsaihin July 24, Zirtawpni khan MFA Committee Room-ah referee intuaitharna hun an hmang. AIFF match commissioner Malsawma Renthlei kaihhruaina hnuaiah 'IFAB Laws Of The Game' thar zirhona hun hman a ni.

'IFAB LOTG'-a thil thar ṭhahnem tak a awm a, Chanmari pa Malsawma'n dan tharte hi fel fai takin a sawifiah. I Day Football Tournament-ah dan tharte hi hman nghal a nih dawn avangin referee-te dan leh hrai hriatna kawnga theihtawp chhuah turin a chah.

Referee committee chairman Lalbiakzuala'n referee intuaitharna hun hi a kaihruai a, referee committee secretary RK Rozidinga'n inhmelhriatirna leh report a pe. MFA finance secretary LV Lalthantluanga'n a hmanpui bawk.