Vawiinah Sports Festival Football quarterfinal

Viksit Bharat Aizawl District Sports Festival 2026 neih chhoh mek a ni a, Aizawl DFA kaihruaina hnuaia khelh Under 16 Football Tournament chu vawiin hian Durtlang Football Stadium-ah quarterfinal khelh a ni dawn.

Chawhma dar 11:00-ah MFA Elite FA (B) leh Upper Republic GSA te an inkhel ang a, chawhnu dar 1:30-ah MFA Elite FA (A) leh Lushai Corner FA (Luangmual) te an inkhel leh ang.

Quarterfinal hi July 28, Thawhlehniah khelh zawn a ni dawn. Thawhlehni chawhma dar 11:00-ah Durtlang North club 4Brothers FA leh Republic Veng GSA te an inkhel ang a, tlai dar 1:30-ah Durtlang FA leh Chawlhmun YC te an inkhel chhunzawm ang.