Belgium coach Garcia a chhuak dawn

Rudi Garcia chuan Belgium enkawl chhunzawm a tum lo. July thla tawp hian Garcia contract hi a zo dawn a, Belgium Football Association chuan contract a pawtsei loh tur thu an puang.

World Cup 2026-ah Belgium-in Garcia kaihhruaina hnuaiah quarterfinal an thleng a, champion zui ta Spain lakah 2-1 in an vanduai. Kum 62 mi Garcia hian January 2025 khan Domenico Tedesco a thlak a, hna a chelhtirh hian Belgium mipui aṭanga sawiselna dawng nasa mah se a hnathawhah erawh a lungawi hle.

Royal Belgian FA sports director Vincent Mannaert chuan, "Belgium team indinthar lehna kawngah Rudi Garcia hian a thawh hlawk a, chona lian tham leh harsa hmachhawn huamin team a enkawl. A inpekna leh a tawnhriat ṭha tak avangin team ṭha tak din a ni a, World Cup-ah pawh result ṭha tak kan nei a ni," tiin a sawi a, Rudi Garcia leh a coaching staff te chungah lawmthu a sawi bawk.

Rudi Garcia hian Lille, Roma leh Marseille te a enkawl tawh a, kum 2019-a French club Marseille a chhuahsan hnuah team khatah kum hnih chhung a awm tling lo. Marseille hnuah Garcia hian Lyon, Al Nassr, Napoli leh Belgium te a enkawl tawh a ni.