NE Taekwondo Federation meeting-ah Mizo tel

July 18, Inrinni khan North East Regional Taekwondo Federation General Body meeting chu Guwahati-ah neih a ni a, Mizoram aiawhin MATA senior vice president Master VL Sawma leh MATA general secretary master Joseph Thansanga te an tel a ni.

North East meeting-ah hian Ministry of Youth Affairs & Sports-in a pawm thar, National Sports Governance Act 2025 in a phut angin North East Taekwondo Union chu North East Regional Taekwondo Federation tiin thlak a ni a, hmarchhak state te thawhhona tur atana pawimawh leh inelna hrang hrangte pawm zui a ni bawk.

NERTF Rorel zawh hian kum 2026-2030 chhung atan hruaitu thlan nghal a ni a, master Joseph Thansanga chu Vice President atan a term hnih nan thlan nawn leh a ni a, master VL Sawma chu Technical Committee Member paruk thlan chhuah zingah a tel bawk. Technical committee te hian kum lo kal tur atan hmarchhak inelna hrang hrang programme an duang zui ang.

North East Regional Taekwondo Federation hi President atan thlan thar, Manipur Chief Minister ni lai Y.Khemchan in a kaihruai zui dawn a, ani hi Taekwondo Black belt leh India aiawha Taekwondo lo khel tawh ṭhin a ni.