Assist record siamtu Olise

France midfielder Michael Olise-a'n kumin inelnaah assist vawi sarih siamin, World Cup inelna vawi khata assist ngah ber record a siam. Kum 1970 khan Pele-a'n assist vawi ruk a nei a, Brazil legend record hi a khum.

Kum 24 mi Olise hian match hmasa bera Senegal an hneh ṭumin assist pawimawh a nei nghal a; Iraq, Sweden leh England lakah assist vawi hnih ṭheuh a nei leh bawk.

Chutihrualin Olise tan World Cup duhthusam a ni bik lo a, vawi 20 goal khung tuma a petah vawi khatmah goal-ah a lut lo. Kum 2010 khan Lionel Messi-a'n goal khung si loin goal-ah vawi 29 a pet a, hemi hnua goal khung loa 'attempt' ngah leh ber chu Olise hi a ni.

England lakah pawh hian Olise hian a chance hlah vangin an ram France an chak loah a ngai a, dressing room-ah a mittui a tla a, manager Didier Deschamps-a'n a hnem a ni.