Tu nge chungnung zawk?

Spain leh Belgium-te World Cup-ah a vawi thum nan an intawng dawn a, an inhmachhawn hmasak pahnih erawh a rei tawh hle - kum 1986 khan a vawi khat nan World Cup-ah hian an intawng a, 1-1 a an inhnehtawk hnuah, penalty hmangin, 5-4 in Belgium an chak.

Kum 1990-ah a vawi hnih nan team pahnih an intawng leh a, Spain-in 2-1 a hnehna changin, phuba an la ve ta thung. Mahse, hemi hnuah hian World Cup-ah tak chuan an intawng leh tawh lo a, kum 2026-ah an intawng ve leh dawn ta chiah.

Team pahnih hi a pumpuiah vawi 22 an intawng tawh a, Spain chak hnem zawkin, La Roja hian vawi 12 hnehna an chang a, vawi nga draw neiin, vawi nga chu Belgium hi an chak thung.

Belgium leh Spain intawn hnuhnung ber chu kum 2016 daih tawh kha a ni a, international friendly match-ah inkhelin, 2-0 in Spain an chak.