Croatia tan chak a ngai

Luka Modric hoa World Cup-a inlan Croatia chuan Pathianni zing dar 2:30 hian Ghana an hmachhawn dawn a, kum 2018 finalist tan knockout stage lut turin tlawm a thiang tawh lo.

Croatia hian an match hmasa berah England an ngam lo a, match hnihnaah erawh Panama chu 1-0 a hnehin, World Cup aṭangin an pet chhuak - match hnih khelh tawhah point thum an nei tihna a ni.

Modric-a team-te hi an tlawm a nih ngat chuan, point thum nena round of 32 luh chu thil harsa a ni dawn tih a chiang a, hetihrual hian Ghana hi an chelh theih loh England chelhtu an nih avangin an phur vanglai tak a ni.

Black Stars hi coach tawnhriat nei ṭha Carlos Queiroz-a'n a kaihruai a, Canada-in an ram chhunga luh an phal loh Thomas Partey chu USA-ah a inkhel thei a, England lakah a ṭangkaizia kan hmu.

Pathianni zing inkhel tur pawh USA-a inkhel tur a nih avangin Partey a inlan thei leh dawn a, Ghana tan lawmna a tling - tlarhmaah Inaki Williams, Antoine Semenyo leh Jordan Ayew te an nei bawk a, Croatia hneh turin an ṭha tawk.