MFA-in 2026-27 calendar tichhuak

Mizoram Football Association chuan 2026-27 calendar an ti chhuak a, I Day Football Tournament aṭangin season an ṭan dawn. I Day Football-ah hian mipa leh hmeichhe inelna bakah veteran inelna a awm dawn.

MPL13 pawh August aṭangin khelh ṭan a ni dawn a, chutihrualin MFA thuchhuakin a tarlan danin August leh September thla chhungin zawh a ni dawn. Thla hnih chhunga khelh zawh a nih chuan MPL history-a inelna rei lo ber ṭum tur a ni.

Season tharah hian MFA-in November thla hian Aizawlah Inter District Under 17 Girls Championship a buatsaih dawn a, nakkum March thla hian Khawzawlah Inter District Boys (U15) Football Championship a buatsaih bawk ang. MFA Cup a awm leh dawn a, nakkum April thlaah Hnahthialah neih a ni ang.