Canada-in World Cup-ah point an hmu

FIFA World Cup 2026 thlengtu zinga mi Canada chuan a vawi khat nan World Cup-ah point an hmu. Canada hian kum 1986 leh 2022 khan World Cup an khel tawh a, point an hmu lo ve ve .

Zirtawpni zan khan Canada hian Toronto-ah Bosnia and Herzogovina an hmachhawn a, 1-1 in an inhnehtawk. World Cup khel tura Wales leh Italy hnehtu Bosnia-in minute 21-naah Jovo Lukic tauh luh hmangin khung mah se Canada-in Cyle Larin hmangin minute 78-naah an sut.

Southampton forward Larin hian box chhungah box chhungah mawi zetin ball a vir pui a, goal mawi bik a khung. Inkhelah chance ṭhahnem tak awm mah se goal dang a luh belh lo a, 1-1 in inkhel a tawp.

Canada hian 1986 World Cup khan France (1-0), Hungary (2-0) leh USSR (2-0) te an hneh lo a, 2022 World Cup-ah Belgium (0-1), Croatia (1-2) leh Morocco (1-2) te nen group khatah awmin chak an nei lo bawk.

Tun ṭumah hian Canada hi Jesse Marsch-a'n a enkawl a, second round luh beiseina an nei sang hle. Canada hi group B-ah Bosnia and Herzogovina bakah Qatar leh Switzerland te nen an awm ho. Marsch-a hote hian June 19, Zirtawpni zing hian Qatar an hmachhawn leh ang.