Spurs-in Savinho an hnaih

Tottenham Hotspur chuan Macnhester City winger Savinho an hnaih tawh hle a, pound maktaduai 60 vel senga lak luh tumin inbiakna an kal thukpui tawh hle niin khawthlang chanchinbuten an ziak.

Spurs hian tun hmain Savinho hi nikum nipui lai khan lak an lo tum tawh a, mahse City hian khang hunlai khan Real Madrid forward Rodrygo chu an duh a, Savinho hralhna man aṭanga pawisa hmuh hnem an duh avangin Spurs dilna an hnawl. City hian tunah pawh winger dang an la melh reng a, Everton player Iliman Ndiaye chu an thlithlai nia sawi a awm.

London club hian Roberto de Zerbi hoin indinthar hna an thawk mek a, tun hnaiah Bournemouth aṭangin Marcos Senesi leh Liverpool aṭangin, Andy Robertson te chu free transfer-in an lo lalut tawh a tlarhma tihchak nan Savinho an dawr nawn.

Kum 22 mi Savinho hian Etihad Stadium-ah kum nga cham turin contract a la nei a, City-in an phal zat anga an dawr ngam loh chuan Spurs hia an lak mai theih a rinawm loh.