Ka thinlungah Paris a cham reng tawh ang - Maja

Maja Chwalińska chuan a vawi khat nan Grand Slam Open final a khel a, qualifying round aṭanga bul ṭan zinga French Open final khel thei hmasa ber a ni. Polish nula Maja chuan, "A hmasa berah chuan Mirra ka lawmpui. La naupang mah la player ṭha tak i ni a, theihna i nei sang si a, ka tan chuan i buaithlak lam hret a ni," tiin a khingpui lawmpui pahin fiamthu a thawh.

Kum 24 mi Maja hi 5ft 5in chauha sang a ni a, kawr hrang hrang a hak chungchangah zawhna a dawng hial. Maja chuan, "Thil danglam vak a awm lo, sponsor-tu ka neih loh vang a ni," tiin a chhang a, hotel thlen man thlengin harsatna a tawk. Mahse, inelna ṭan hmaa world no. 114 hian final hial a thlen avangin sponsor leh sumah buaina a tawk rih lo ang.

French Open-a a hun tawn chungchang sawiin Polish nula chuan, "In mi hmangaihna ka dawn nasat avangin inchungah ka lawm a, tun aia final inkhel hmuhnawm zawk en thei ula ka duh. Mahse, Mirra kha ka tan a ṭha hret a, ka thiam loh a ni. Theihtawp ka chhuah a, in mi ngaihdam ka ngai a ni. Chutihrualin kar thum chhunga ka thil tawn hi ka theihnghilh tawh dawn lo. Ka thinlungah Paris a cham reng tawh ang," tiin a sawi.