Ajax-in Ceballos an ngaihven

Real Madrid chuan an midfielder Dani Ceballos chu an chhuahtir dawn a, Dutch club lian Ajax chuan Ceballos hi lakluh tumin an ngaihven niin khawthlang chanchinten an sawi.

Kum 29 mi Ceballos hian 2027 thleng Real-ah contract a la nei a, mahse an coach thar Jose Mourinho game plan-ah a tel ve loh avangin an chhuahtir dawn niin journalist rintlak Fabrizio Romano chuan a tarlang.

He transfer-a sulsutu lian tak chu Ajax manager thar, Míchel a ni a. ani hian Ceballos-a khelh dan phung hi Ajax nen a inmil niin a hria. He Spanish coach hian player tawnhriat nei ṭha, ball thiam leh team ho khawm thiam lakluh a duh a, Ceballos-a'n a mit a la nghal.

Ceballos-a chhuak a nih chuan Real midfielder an tlem sawt dawn a, mahse an hlawh pek tur a tihkiam phah dawn thung. Spanish midfielder hian Santiago Bernabeu-ah kar khatah euro nuai hnih a hlawh phâk.

Arsenal tan pawha khel tawh Ceballos hian, Ajax a zawm chuan Real aiin hmun a chan hnem phah dawn thung a, Netherlands lamah a puanthuah tel a hreh a rinawm loh. Hetihlai hian club pahihte hi Ceballos-a man leh thil dangah inremna nei turin inbiakna a la awm lo thung.