Wales lakah Ghana chak zo lo

World Cup 2026 atana an inbuatsaihna match hnuhnung berah, Ghana chuan Wales an hneh zo lo a, 1-1 in a inhnehtawkin chak zawk an awm lo a, World Cup khel tawh mai tur Ghana tan result ṭha a ni lo.

Ghana tan Calen Yirenkyi chuan minue 66-naah goal a khung a, an chakpui mai dawnin lang hman mah se, Lewis Koumas-a'n hun tawp dawnah a sut a, Wales tlawm tur a chhanhim.

Kumin World Cup-ah 'group of death' tia sawi tur a awm meuh lo a, mahse Ghana hian group L-ah England, Croatia leh Panama hi an awmpui a, group harsa pawla ngaih an ni. Hetiang a nih avang hian an friendly match ni mah se, Wales laka chak zawh loh hi result lawmawm a ni lo

Chutihrualin Ghana hian an player zingah hming langsar - Manchester City forward Antoine Semenyo, Arsenal midfielder hlui Thomas Partey, Athletic Bilbao forward Inaki Williams leh Leicester City striker Jordan Ayew te an nei a, Carlos Queiroz-a'n a enkawl dawn bawk.

Queiroz hian tawnhriat a ngah tawh a, Real Madrid a enkawl tawh bakah Manchetser United-ah Sir Alex Ferguson-a assistant lo ni tawh a, player te inrintawkna a neihtir bakah, group stage aṭanga mipui beisei loh thilmak thlentir turin theihna an nei.