United-in Ederson la lut dawn

Manchester United chuan Atalanta midfielder Ederson la lut turin Serie A club hi inremna an neihpui a, Brazilian player hi pound maktaduai 35-in Old Trafford lamah an seng lut ang.

Kum 26 mi midfielder hian United-ah hian kum li khel turin contract a ziak dawn a, thla 12 dang pawhsei theihna dan ziah tel a ni dawn bawk a, a khelh ṭhat dan a zirin a manah £3.9mtd pek belh tur a ni bawk.

Ederson hian United-ah hian medical a la nei lo a, mahse, July thlatir lamah chuan tihfel hman tura ruahman niin, pre-season training a zawm hman ang.

Brazilian midfielder hi Michael Carrick-a hnuaia United-in a ngheta player an lakluh hamsak ber a ni a, central midfielder hi tun nipuiah pathum tal lakluh an tum nia sawi a ni.

World Cup-a Brazil tana inlan phak lo tur Ederson bakah hian United hian West Ham midfielder Mateus Fernandes an beisei bawk a, mahse, Portuguese midfielder manah Hammers hian phut san an tum nia sawi a ni.

West Ham hian season ṭan dawn khan Southampton aṭangin Fernandes hi £40mtd in an lei a, an hralh dawn chuan hlawkna tam tham tak tel an duh dawn niin an sawi. United hian Nottingham Forest midfielder

Elliot Anderson pawh an beisei a, mahse, amah hian Manchester City zawm a duh zawk niin an sawi.

United hian Newcastle United left back Lewis Hall chu an ngaihven mek bawk a, Benjamin Sesko thachhang dawltu tur striker lakluh dan an ngaihtuah mek bawk.

Red Devils hian goalkeeper chungchangah pawh thutlukna an siam vat ngai dawn. Tun dinhmuna a lan danin United hian first choice nghet Senne Lammens an nei tawh a, hei vang hian an keeper loan-a chhuak Andre Onana chu club dang a zawm theih thu an hrilh tawh.

Hetihlai hian Lammens thachhang dawl tura beisei, Bristol City lama loan-a an khelhtir Radek Vitek chuan regular taka inkhelh a duh thu a sawi a, United-in kum 22 mi Czech keeper hi an chelh thei lo mai thei.

United hi club neitu zinga mi Sir Jim Ratcliffe-a kaihhruaina hnuaiah an insiamrem mek zel a, Mercedes Formula 1 performance engineer hlui Michael Sansoni kaihhruaina hnuaiah data analysis pawh an kalpui a, ani hi director of football Jason Wilcox nen United-a seng luh tur player zirchiangin an hmanhlel hle.