TT thiam ber veng Mission VT (mipa) leh Vaivakawn (hmeichhia)

6th Inter Branch YMA Table Tennis Tournament 2026 chu MTTA Hall, Mission Vengah May 26-29, 2026 chhung khan khelh a ni a, mipa singles inelnaah India ramah pawh lang pha Chawngte ‘P’ tlangval Jeho Himnakulhpuingheta a champion. Hmeichhe singles-ah Lungdai nula Caroline Malsawmkimi a champion ve bawk.

Team inelnaah Mission Vengthlangin mipa inelna final-ah an ṭhenawm Mission Veng hnehin an champion a, hmeichhe inelnaah Vaivakawnin Bethlehem Vengthlang hnehin pakhatna an ni thung. Inelna hi Central YMA leh MTTA buatsaih a ni.