Nomawi nena Palace thlahtu Glasner

An champion zawh rualin Oliver Glasner chu mipui ngaihven a ni a, Austrian manager hian nomawi chawi ngeia Crystal Palace a chhuahsan dawn vang a ni.

Glasner chuan, "Palace chhunga awm zawng zawngte chu chhungkua kan ni a, chuvangin ka tan mai bakah mi zawng zawng tan kan champion hi a hlu takzet.Nomawi chawi chung ngeia helai hmun ka chhuahsan thei tur hi a ropui ka ti a, he club-in Europa League an khelh tawh dawn avangin lawmawm ka ti bawk.

"Season hmasaa FA Cup kan champion khan Europa League khel tur emaw kan inti a, mahse dan inthlak avangin kum khatin kan khelh hun a hla ta hret. Mahse chu chu kan pawm thiam a, phu takin season tharah he club hi Europe inelnaah an tel chhunzawm dawn," a ti.

February 2024-a Roy Hodgson thlak nana Glasner an lak hnuah Palace-in hma an sawn a, season hnih leh a chanve a enkawl chhungin nomawi pathuma a chawipui hman a, Palace tan theihnghilh theih a ni tawh dawn lo. A chhuah dawnah club chanchina a vawi khat nan Europe inelnaah a champion pui avangin Glasner tan inthlahna duhthusam a ni.