Arsenal hriatpui MASC

Mizoram Arsenal Supporters' Club (MASC) chuan kum 22 hnua Arsenal nomawi chawi lai hi RemPham'Ly Cinemna, Bawngkawnah an en ho a, official club bakah Arsenal ṭantu zawng zawng tan Pathianni zan kha hun bik a ni.

MASC hi January 25, 2020 khan din a ni a, July 28, 2020-ah London aṭangin official registration an hmu a, Emirates Stadium chhung leh pawnah MASC banner tar a ni. January 1, 2023 khan stadium pawn lamah tar a ni a, March 2025 khan North Bank goal post hnung lam chung sangah tar leh a ni.

Stadium chhunga banner-ah hian 'Chibai Mizoram Arsenal' tih a inziak a, tawlh loh puan hmanga a tlang cheimawi a ni bawk. MASC hian Arsenal ṭantute tan futsal, group photo challenge, inrin diksiak, fantasy premier league te buatsaih ṭhin.

Heng bakah hian vawi tam an luang chhuak tawh. Thisen pek runpui vawi li an nei tawh a, Krismas pualin kum 2020 aṭang khan kum tin an luang chhuak a, an sum sem chhuah tawh zawng zawng hi nuai nga a tling tawh a ni.