Most Valuable Player Phrangki Buam

Shillong Lajong winger Phrangki Buam-a'n season ṭha bik rawn hmangin goal riat a khung a, top scorer ni pha lo mah se Lajong a chet ṭhatpui avangin a phu ang ngeiin most valuable player-a thlan a ni.

Kum 25 mi Buam hian Royal Wahingdoh aṭangin bul a ṭan a, Shillong Lajong-a hming a chher hnuin ISL club FC Goa, Mohammedan SC leh Real Kashmir-ah te a khel kual a, kum 2023 khan hming a chher ṭanna Lajong-ah bawk a kir.

Buam hi Indian zinga tun IFL-a goal khung tam ber a ni a, goal khung tam lamah Dempo SC striker Marcus Joseph chiah a pha lo. Trinidadian striker Joseph hian goal kua a khung a, Dempo keeper Ashish Sibi chu best goalkeeper-a thlan a ni bawk.