Zaninah ngaihven hlawh Championship final

EFL Championship playoff final chu zaninah khelh a ni dawn a, dar 8:00-ah Hull City leh Middlesbrough te an inhmachhawn dawn a, a chak zawk zawkin season tharah Premier League an khel dawn.

Championship playoff hmawar bawk dawnah thil danglam a thleng a, Middlesbrough hnehtu Southampton chu an inkhelh hmain, Middlesbrough training lai an enthla tih hmuhchhuah a ni.

Chhui chhianna neih a nih hnuah Saints hian Oxford United leh Ipswich Town pawh an enthla tih hriat chhuah leh a ni a, EFL chuan Saints hi hremin playoff aṭangin an paih a, an hneh tak Middlesbrough chu an zawkim final an khel dawn. Hei bakah hian Saints hi season thar atan point li an paihsak nghal dawn bawk.

Frank Lampard-a enkawl Coventry City leh Ipswich Town te chu Premier League khel turin an tling tawh a, Hull City leh Middlesbrough ten an hnung zui an tum dawn. Club pahnihte hi 2017 hnuah Premier League an la khel leh lo a, hun ṭha an neih hi bawhpelh an duh dawn lo.