Zanin dar 8-ah CYMA TT ṭhuai hawnna

LBS Suzuki 6th Inter Branch YMA Table Tennis Tournament 2026 chu zanin dar 8:00 hian CYMA Hall, Tuikhuahtlangah ṭhuai hawn a ni dawn. Inelna hi Central YMA leh Mizoram Table Tennis Association (MTTA) buatsaih a ni.

CYMA TT inelnaah hian Mizoram hmun hrang hrang aṭangin branch 53 an tel thei dawn a, team leh singles category hmanga inel tur a ni ang. Kumin hi a ṭum rukna tur a ni a, LBS Suzuki chu main sponsor a ni.

Inelna hian ngaihhlut a hlawh ṭhin a, Mizo table tennis thiam an inlan kim viau tura ngaih a ni. India rama men's singles ranking no. 9 ni mêk, Jeho Himnakulhpuingheta mai bakah Mizo zinga national player dangte leh phai lama Table Tennis Academy lama awm te pawh an inlan dawn.

Ṭhuai hawnna neih zawh hian managers meeting neih a ni ang.