Carrick-a'n FA Youth Cup final en dawn

Manchester United chuan zanin dar 11:00 hian Manchester City nen FA Youth Cup final an khel dawn a, senior team manager Michael Carrick-a'n a hmunah a en dawn. Man United Youth team coach Darren Fletcher chuan Carrick-a'n a hmun ngeia a en tur chuan player-te a tihphur tur thu a sawi.

Final hi Etihad Stadium-a khelh tur ni mah se an chei ṭhat avangin mi 6000 lenna Joie Stadium-ah khelh a ni dawn. Man United lamin Old Trafford-a khelh duh mah se a rem lo a, entu an tlem phah ang.

Scottish manager Fletcher chuan, "First team manager-in inkhel an en hi chuan player-te an lawm ṭhin. Hei bakah hian manager pawhin player naupangte a ngaihven tihna a ni. Kan club chanchin thlirlet pawhin first team manager-in inkhel an en chuan boruak a danglam daih a, naupang nu leh pate pawh an hlim ṭhin hle," tiin a sawi.