Bayern lakah Nuno Mendes a vannei

Paris St-Germain left back Nuno Mendes-a'n inkhel ṭantir lamah, Michael Olise lakah yellow card a hmu a, a hnuah chiang takin a handball bawk - Mendes hi a yellow card pahnihna hmu a, hnawhchhuah tur niin a lang.

Mahse, referee-in Bayern fan-te lawm lohna turin thutlukna a siam a, Konrad Laimer-a'n Mendes-a kut a pet per hma hian Laimer hi a handball niin a hria a, PSG zawk freekick a pe ta daih!

Bayern manager Vincent Kompany a lawm lo hle. Belgian coach chuan, "Referee khan Nuno-a'n yellow card a hmu tawh tih a hria a, chuvang chuan handball vanga hnawhchhuah kha duh loin, a ni lo zawngin thutlukna a siam ta a ni.

"Angle hrang hrang aṭangin ka en nawn tawh a, Laimer-a'n a kuta ball a tawh fuh lai ka hmu lo. Mahse, anni lamin a tawk fuh an ti miau si a, engmah ka hre ve ta lo," a ti a, a lawm lo hle.