Eng vangin nge Neves a handball loh?

Bayern Munich-in Joao Neves handball vangin penalty hmu ngei turah an inngai a, mahse, Joao Pedro Silva Pinheiro-a'n penalty turah a ngai lo - football dan bu en chuan a dik thlap bawk si!

Minute 30-naah Vitinha ball petchhuah tum chuan Neves-a kut a per a, PSG midfielder hian a kut a pharchhuah avangin penalty tur niawm tak chuan a lang.

Mahse, laws of the game-ah chuan, "Team-mate ball petin a kut a per a nih chuan handball tur a ni lo," tiin a inziak thlap a, referee-in thutlukna dik a siam. Team-mate inpet per vanga handball a nih loh chhan langsar tak chu, "Tih luih vang a ni thei lo," tih lai chu a ni.

Hetihrual hian kha handball kha direct-in goal-ah lut ta se, goal-ah pawm loin, Bayern khan direct freekick an hlawh ang - kha handball aṭanga ball per kha Bayern khan goal-ah khung ta se, pawm tur ni loin freekick tur a ni bawk.

Bayern Munich hian first leg-ah sawisel theih takin penalty an lo chawi tawh a, referee-in PSG lam a ṭang angah ngai pawh ni se, an demawm lo!

Bayern Munich boss Vincent Kompany chuan, "Team-mate inpet per a nih avangin penalty a ni lo. Mahse, PSG nena kan inkhel pahnih en chuan a thinrim thlak a ni. A tawpah chuan goal khat vangin kan tla," a ti a, inkhel pahnihah referee duhsakna an dawng loah a ngai.