Sihphir Venghlunin Lengpui beiseina titawp

MBOCWWB ADFA Inter Village Football Tournament 2026-ah champion lai Sihphir Venghlunin champion rinkai zinga mi Lengpui 2-0 in an hneh. Coach Chawnthansanga kaihhruai Lengpui hian inkhelh tir lam thunun zawk mah se goal an khung thei lo a, Sihphir Venghlun tan Malsawmtluanga Pautu leh PC Lalruatsanga ten goal an khung.

Nimin tlai inkhelah Lengpui tan ISL club Mohammedan SC forward Lalremsanga'n bul a ṭan a, Lalrokima leh Lalchhuanmawia te bul ṭantu zinga an tel bawk avangin inrintawkna nen bul an ṭan. Mahse, Sihphir Venghlun hi champion lai an ni a, an player ṭhate an khelh leh theih tawh avangin Lengpui an hlau bik lo.

Team pahnih an intluk tawk a, Lengpui tan Richard-a'n chance ṭha hmasa a hlah a, Nunpuia pawhin hun ṭha a bawhpelh. Sihphir Venghlun captain Sawma erawhin first half-ah chance ṭha hlah mah se minute -naah Lengpui tlarhnung tih ṭhat tawk loh chu remchangah lain goal ṭha a khung.

Lengpui tan Lalremsanga'n siphurh sut theihna hun ṭha a nei a, goal-ah ṭha takin pet mah se keeper Rinmawia'n a dang ṭha hle. Sihphir Venghlun tlarhnung a tiphui ṭha zui a, injury time-ah PC Lalruatsanga'n ṭha takin a lalut a, Lengpui defender-in hun a khawhral turah ngai mah se PC-a hian goal lam panin hun tawp hma chiahin chak nemnghehna goal a khung.