Grealish-a'n hma a sawn

Hliam vanga chawl mek Jack Grealish chuan hma a sawn chak a, zai a nih hnuah a ṭhat chak avangin amah zaitu doctor pawhin lawmawm a tih thu a sawi.

Kum 30 mi Grealish hi tun season atan Everton-in Manchester City aṭangin loan-in an hawh a, Toffees tan a khel ṭha hle. Mahse January khan Aston Villa lakah a ke a tina a, endik a nih hnuah zai a ngaih avangin a inkhel chhunzawm thei lo a, World Cup-ah pawh a inlan thei dawn lo.

Grealish chuan, "Ka ṭha chho viau a, doctor nen kan inbiaknaah hei aia ṭha chu tun dinhmunah a awm bik loh thu min hrilh. Thu lawmawm a nih avangin keipawh min tihlim hle. Footballer kan nih angin inhliam hi chu kan tawn tur a ni a, mahse inkhelh theih loh hi hrehawm ka ti hle," a ti.

Everton a zawm hnuah Grealish hian macth 22 khel tawhin, goal ruk leh assist paruk a nei tawh. City tan kum khat daih chiah contract a nei tawh a, Toffees hian season tawpah pound maktaduai 50-in a ngheta lakluh theih dan nei mah se, an la dawn a nih chuan a aia tlawma lak dan kawng an dap a rinawm.