Man United-in Leao an ngaihven

Manchester United chuan an tlarhma thuam chak nan, AC Milan forward Rafael Leao an ngaihven a, Leao hi Marcus Rashford nen inthleng an tum niin Italian chanchinbuten an ziak.

Barca-a loan-a khel mek Rashford dinhmun a chiang lo a, Old Trafford-ah a let duh tawh lo nia sawi a awm. Hetiang boruak karah hian tlarhma tihchak tum United chuan, Rashford hi Leao lakluh nana hman an an rilruk.

Man United hi Michael Carrick-a hnuaiah pathumna ni mekin, season tharah Champiosn League khel turin an dinhmun a ṭha tawh. Red Devils hian squad tihchhah an duh avangin Portuguese forward Leao an melh a, Milan hian Leao hi 'hralh phal loh' an ti tawh bik lo a, a man phu tawka dawrtu an awm chuan inbiakna neih an phalsak tawh.

United hian an duh ber chu Aston Villa player, Morgan Rogers ni mah se a man a to hle a, chuvangin United-in Leao lam an hawiah a ngaih theih. Hetihlai hian Milan-in Leao-a manah pawisa fai chauh dawn an duh laiin, United chuan Rashford bakah, player dang nena inthleng an duh nia sawi a awm a, Manuel Ugarte leh Joshua Zirkzee te hming a ri ring.