Thawnthu hlui chu min hrilh rawh

November 2025 khan league stage-ah Paris St-Germain leh Bayern Munich an lo inhmachhawn tawh a, he inkhelah hian mikhual team Bayern Munich hi 2-1 in an chak - first half hun pek belhah Luis Diaz hnawhchhuah a la ni zui!

Bayern tan red card hmutu Diaz hian he inkhelah hian goal hnih khungin, player 10 an nih hnu, second half-ah German club-in goal an chhuah a, Joao Neves chuan si phurh a sut ṭhen.

Mahse, Bayern an ṭang tlang a, khualmualah European champion an hneh. Inkhelh zawhah Bayern coach Vincent Kompany chuan, "Kan hneh thei tih kan hria a, he result hian inrintawkna nasa tak min pe ang," a ti zui a, zanina Paris khawpui an len hun atan pawh league stage result hian inrintawkna a pe dawn.

PSG forward Khvicha Kvaratskhelia chuan, "Bayern hi team ṭha tak an ni a, player 10-a an khelh hnu pawh khan an defending a ṭha hle. Chance kan nei a, mahse, a tawk zo ta lo a ni," a ti ve bawk.

Paris club-in Bayern ngam lo mah se, league stage an paltlang tho a, semifinal hial an thleng ta tho - team pahnih an intawng leh dawn ta a, Enrique-a'n thawnthu hlui herlum leh ai chuan an tana thawnthu duhawm zawk ziah a duh ang.