Durtlang Playground tharah Inter Village football

MBOCWWB 8th ADFA Inter Village/Local Council Football Tournament 2026 chu vawiin hian RG Stadium leh Durtlang Playground-ah khelh chhunzawm a ni dawn.

Durtlang Playground hi Aizawl Smart City Limited hmalaknaa din a ni a, March 17, 2026 khan Urban Development & Poverty Alleviation minister K. Sapdanga’n a hawng. Inter Village Football hi Durtlang Playground-in inelna a thlen hmasak ber tur a ni.

Ground thar hi cheng vaibelchhe 22.3 senga sak a ni a, sports minister Lalnghinglova Hmarin, "Mizorama football stadium ṭha ber," tiin a sawi a, inkhel hmasa ber tur chu Saikhamakawn leh Republic Vengthlang te an ni ang.