World Cup khel tur team 48-na Iraq

Thawhlehni zanah FIFA World Cup khel tur ram 47 a hriat tawh a, nimin zing khan Iraq-in Bolivia 2-1 a hnehin World Cup khel turin an inpettling. Iraq hi group I-ah France, Norway leh Senegal te nen awm ho ang.

Guadalupe-a inkhelah Iraq-in Ali Al-Hamadi hmangin minute 10-na lekah an khung a, Bolivia-in minute 38-naah Moisés Paniagua hmangin an sut. Second half-ah Iraq-in bul an ṭan leh a, Marko Farji cross chu Aymen Hussein-a'n minute 53-naah a khung.

Kum 30 mi Aymen Hussein hian ram tan match 93 khel tawhin goal 33 a khung tawh zingah Bolivia laka a goal khung hi a ngaihlu ber ang. Iraq hian kum 1986 hnuah World Cup khel turin an tling leh chauh a ni.