DR Congo lawmna thlentu Tuanzebe

DR Congo-in kum 52 hnuah World Cup an khel dawn. Thawhlehni zan khan Congo hian Manchester United academy chhuak Axel Tuanzebe goal hmangin Jamaica 1-0 in an hneh. Akron Stadium, Zapopan-a inkhelah hun pangngaiah goal a lut lo a, extra time-ah Tuanzebe-a'n corner aṭanga ball kal chu a tlawh lut.

World Cup-a Congo inlan hnuhnun ber chu kum 1974 daih tawh kha a ni a, Germany-a inelna neih ṭumin Zaire hmingin an tel. Tun ṭumah hian Congo hi group K-ah Portugal, Colombia leh Uzbekistan te nen an awm ho a, knockout stage thlen erawh a harsa dawn.

Congo hian Tuanzebe bakah Premier League-a tawnhriat nei Yoane Wissa leh Aaron Wan-Bissaka bakah Europe club-a khel an kawl nawl a, team lian tan pawh chetsual theihna an ni ang.