Powerlifting C'ship-ah Mizoram pathumna

National Senior Classic Powerlifting Championship chu March 24-28, 2026 chhung khan Mangalore-ah neih a ni a, Mizoram team chu pathumna an ni. Powerlifting-a India ram pum huap inelna Mizoramin an hmachhawn theih nan NJY Engineering Construction PVT-in an sponsor a, an chungah Mizoram Powerlifting Association an lawm hle.

Powerlifting-ah hian inelna pathum squat, bench press leh deadlift a awm. Inelna pathumah hian medal a awm vek a, overall-a ti ṭha thlan leh a ni bawk. Tun ṭum Mizoram team aṭang hian overall-a bronze la pha pathum Robert Lalrinawma, Abraham Lalṭhakima leh Jeremy Lallawmzuala te an awm a ni.

Robert hian below 66 kg category-ah squat bikah gold lain national record a siam a, Abraham pawhin squat leh bench press-a gold a lak bakah national master record a siam bawk.