Sreenidi Deccan tan Biaktea

Indian Football League-ah Sreenidi Deccan-in Ningani zan khan Dempo SC 3-1 in an hneh a, match nga aṭanga point 10 hmuin table chung berah an awm. Hyderabad club hian bul an ṭan ṭha a, minute thumna lekah Aibawk tlangval R. Lalbiakliana'n goal hmahruai khungin Hadi Idrissou leh Fabrice Kah Nkwoh ten an khung belh.

Aibawk tlangval hi palian lo mah se ball thiam a ni a, minute thumnaah hian box chungah throw in aṭanga a ball hmuh la thlain Dempo defender karah rilru fim tak puiin angle zim tak aṭangin a pet lut. Sreenidi hian Hadi Idrissou hmangin first half-ah an khung belh a, Lalromawia cross ṭhat zara goal lut a ni.

Dempo lamin Richmond Kwasi Owusu hmangin second half-ah siphurh an sut ṭhen a, Sreenidi midfielder Romawia hnawhchhuah a nih zui avangin Hyderabad club an hlauthawng hman. Mahse, minute 69-naah Richmond Kwasi Owusu-a'n Sreenidi tan chak nemnghehna goal a khung a, Hyderabad club 3- 1 in an chak.