March 20-ah CYMA Cricket vuak hawnna

Central YMA leh Cricket Association of Mizoram ṭangkawp chuan Inter Branch YMA Cricket Tournament a buatsaih dawn a, branch 52 an ziaklut. Kumin inelna vawk hawn leh fixture tlangzarh hi March 20, Zirtawpni zan dar 8:00 hian Central YMA Hall-ah neih a ni dawn.

Vuak hawn zan hian Branch aiawh team manager leh captain-te tel tur a ni ang. Kum 2024 khan cricket inelna hi neih a ni a, branch 49 telin tun ṭumah hian team thumin an tam belh. Central YMA Cricket hi kum 2003 aṭanga ṭan a ni a, champion hmasa ber chu Armed Veng niin champion ngun ber erawh Ramhlun Venglai niin vawi ruk an champion tawh a ni.