CYMA Cricket atan branch 52 inziaklut

Central YMA leh Cricket Association of Mizoram ṭangkawp chuan kumin April thla hian Inter Branch YMA Cricket Tournament a buatsaih dawn a, branch 52 an ziaklut. Kum 2024 khan cricket inelna hi neih a ni a, branch 49 telin tun ṭumah hian team thumin an tam belh.

Vuak hawn leh fixture tlangzarh hi March 20, 2026 (Zirtawpni) zan dar 8:00 hian Central YMA Hall-ah neih a ni dawn a, hetah hian tel tur Branch aiawh team manager leh captain-te tel tur a ni ang.

Central YMA Cricket hi kum 2003 aṭanga ṭan a ni a, champion hmasa ber chu Armed Veng niin champion ngun ber erawh Ramhlun Venglai niin vawi ruk an champion tawh a ni.