Liverpool tan Alisson a rinawm

Premier League club talbuai mek Liverpool chuan an keeper chhuanvawr Alisson an chelh a, a contract-a kum khat pawhsei theihna dan awm chu an tinung - season tharah Reds jersey a la ha dawn.

Kum 33 mi keeper hian kum 2018 khan AS Roma aṭangin Liverpool a zawm a, Anfield a pan hnuah first choice keeper ni nghalin, Merseyside club hi champion theihnaah chuan a champion pui vek tawh.

Hetihrual hian Alisson hi hliamin a tibuai ve fo a, tun season-a match 44 an khelh tawhah match 32 chiah a la khel - Championas League round of 16 first leg-a Galatasaray an ngam loh ṭum pawh khan a inlan lo.

Liverpool hian an midfielder pawimawh Ryan Gravenberch chu tun hnai khan contract thar an ziahpui bawk a, Dutch midfielder hian kum ruk chhung atana contract thar ziakin, kum 2032 thleng Reds-ah a cham dawn.

Kum 2023-a Bayern Munich aṭanga Liverpool zawmtu Gravenberch hian kum 2028 thleng Reds-ah contract a la nei sa a, mahse, Liverpool tana a pawimawhzia hriain, Liverpool hian rei rial loin contract thar an ziahpui ta vat zawk a ni.